Minister hoin hnathawh thlir lêt

March 28, 2025 tlai khan Land Revenue & Settlement leh Food, Civil Supplies & Consumer Affairs changtu minister of state B Lalchhanzova chuan a department-a thawktute chu Hotel Ransam-ah an department hnathawhte a thlir letpui a, hmachhawp leh hmabakte an sawiho.

B Lalchhanzova chuan, department officer-te leh thawktu dangte ṭawiawmna a dawn ṭhat avanga a lawm thu sawiin, "LRS department-ah hian siamṭhat leh rem fel ngai tam tak a awm a, kan chai ṭhinte pawh khirhkhân tak a ni fo. A tahtawla khawih zel a ni a, kum khat chhungin hna tam tak kan thawk hman a ni," a ti.

FCSCA department-ah thil khirh pui pui a awm lo tih sawiin Minister chuan, "Mi tin mamawh thil khawihtu department kan nih angin thil reng reng tih nghal a ngai. Chinfel nghal ngai hlir a nih avangin ṭan mar a ṭul," a ti a, a thawhpuite chu ṭang mar zel turin a chah.

B Lalchhanzova chuan, a thawhpuite chu kum kal taa an thawh ṭhatah innghat mai lo a, hmasawn zel turin a fuih a, "Assembly session-a sawiselna aia fakna awka kan dawng tam hi min tiphûrtu leh mipui rawngbawlna kawnga min tichaktu ni rawh se," a ti bawk.