Aizawlah Faina Hnatlangpui

Urban Development & Poverty Alleviation (UDPA) department, Central YMA leh Aizawl Municipal Corporation (AMC)-te buatsaihin vawiin hian Aizawlah ‘Faina Hnatlangpui' neih a ni dawn a, chawhma dar 10-ah UDPA minister K Sapdanga'n Sikulpuikawnah a hawng ang.

Faina Hnatlangpuiah hian Aizawla veng hrang hrangah local council leh YMA branch-te kaihhruainain mahni veng chhung ṭheuh tihfai hnatlang neih tur a ni a; Aizawla hmun bawlhhlawh zual bikte chu tifai tura ruat bikte'n an tifai dawn.

UDPA, CYMA leh AMC te chuan kum 2025-26 chhungin Aizawlah fainaa chak zawka hmalak a nih theih nan thawhhona thuthlung an siam a, hmachhawp hrang hrang zingah Faina Hnathlangpui hi a hmahruai a ni. Thawhhona thuthlung angin hnatlangpui hawnnaah hian YMA Branch Fai Inelna 2025 khuhhawnna hun hman nghal a ni ang.