Aizawla jail awmte endik

Nimin khan Jail Inspection Team-te chuan Aizawla jail hrang hrang District Jail, Central Women Jail leh Central Jail-ahte naupang tang an awm leh awm loh an enfiah.

District Jail, Aizawlah naupang nia inchhal tang pakhat a awm a, amaherawhchu birth certificate a nei/kawl mai lo a, a chhungte Myanmar-a chengte hnen aṭanga lo dil turin thurawn pek a ni a, a bak chu jail-ah naupang tang dang an awm lo. Naupang nia inchhal hian jail chhungah kum a tling niin a insawi a, thil sual tia puh a nih hun lai erawh hi chuan kum 18 a la tling lo niin a sawi.

Jail Inspection Team-te hian thla thum danah naupang tang an awm leh awm loh enfiahin, jail hrang hrangte hi an tlawh ṭhin a, Juvenile Justice Board, Aizawla Principal Magis-trate-in team hi a ho a ni.