Thil zawrh khap

Aizawl Municipal Corporation (AMC) chuan thupek chhuahin, Mizoram Legislative Assembly House, Dak Inpui, FCSCA Directorate office, Agriculture office, Horticulture office leh Tennis Court chhehvel kawng kamah thil zawrh khap a nih thu a tarlang.

AMC chuan Zirtawpni leh Inrinnia kawng kama ṭhu ṭhinte chu AMC Multi-Complex Building, Tuikual South-ah insawn vek tawh tur a nih thu tarlangin, "A chunga tarlan hmuntea thil zuar zawng zawng (temporary/permanent)-te AMC Multi-Complex, Tuikual South-a felfai zawka an inzawrh theihna turin ruahmanna siam a ni dawn a, mahni thar chhuah thei leh thlai zuartute duhsak bik an ni ang," a ti.