MP-in Mizo ṭhalaite tana hamṭhatna awm thei Air Chief Marshal a sawipui

Lok Sabha MP Richard Vanlalhmangaiha chuan March 26, Ningani tlai khan Chief of Air Staff, Air Chief Marshal AP Sing hi a pisaah a kawm a, Mizo ṭhalaite tana hamṭhatna awm theite a sawipui.

Richard Vanlalhma­ngaiha chuan air force-a Mizo ṭhalaite'n awlsam zawka hna an dil ve theihna turin Mizoramah recruitment nei ve turin Air Chief Marshal a ngen a ni. Air Chief Marshal hian Air Force Recruitment hi India ram hmun hrang hrangah an nei ṭhin a, Mizoramah pawh neih ve ngei a nih theihna turin hma a lak tur thu a lo hrilh a ni.

Lok Sabha MP chuan Indian Air Force-in Mizoram hmun hrang hranga an hmunhma neihte civil miin ṭangkai taka an hman ve theih nan changtlung taka siam turin a ngen a; Chhingchhip Sainik School-ah jet fighter display dah ve turin Air Chief Marshal hi a sawipui bawk a ni.