CSS-a thawkte'n dahngheh an nih theih nan checklist ennawn duh

All Mizoram CSS Employees Co-ordination Committee (AMCECC) chuan thuchhuah siamin, dahngheh an nih theihna atan checklist ennawn sak turin sorkar an ngen.

AMCECC chuan sorkarin Goverment of Mizoram Regularisation of Centrally Sponsored (CSS) Employees Scheme, 2024 a siam sak lawmawm an tih thu tarlangin, "Amaherawhchu, DPAR-in October 21, 2024-a checklist for submission of proposal in connection with the ‘Government of Mizoram Regularisation of Centrally Sponsored Scheme (CSS) Employees Scheme 2024’, a tih chhuah chu ngun taka kan zirho hnuah an proposal points siam hi CSS hnuaia thawkte regularisation min daltuah kan ngai. A bik takin point no. 3,4 & 5," an ti.

Regularisation of CSS Employees Scheme, 2024 ennawn saka, regularise an nih ngei theih nana checklist awlsam zawk siam sak tura sorkar ngenin AMECC chuan, "June 11, 2025 thleng sorkar ngaihchan nise kan ti," an ti a, an huntiam chhunga chanchin chhia ṭha engmah an hre lo a nih chuan an kal zel dan tur an rel dawn thu an tarlang.