Swap & Save campaign hawn a ni

Serchhip, Lawngtlai leh Saitual district-ah nimin khan Urban Development & Poverty Alleviation (UDPA) department bultumin sikul bungraw inthleng runpui 'Swap & Save Campaign' hawn a ni a; campaign hi March 26-28, 2025 chhung neih tur niin, zirlaite hman tawh loh uniform, zirlaibu leh zirna kaihhnawih thilte a mamawhte'n a thlawna an lak theih turin dahkhawm a ni dawn.

Serchhipah chuan bungraw inthleng runpui hi UDPA Conference Hall, BNRGSK Hall leh Sub Headquarters YMA Conference Hall-ahte neih a ni dawn a; campaign zawh hnuah pawh bungraw dah tur nei leh la duhte tan UDPA conference hall-ah ngaihven theih reng a ni ang. Saitualah chuan Saitual Joint VC House leh Keifang Joint VC House-ahte bungrua hi dah/lak theih a ni dawn bawk.