HEI Sustainability Pitch for Progress

Planning & Programme Implementation department bultumin nimin khan Vanapa Hall-ah Chief Minister Bana Kaih Innovation Challenge hnuaia Local Immersion Programme for Higher Educational Institutes kalpuina 'HEI Sustainability Pitch for Progress' neih a ni a; minister Dr Vanlalthlana'n a hmanpui.

Local immersion programme hi sustainable development goals (SDGs) lam hawia kalpui niin, SDG chungchang hriatna zau zawk zirlaite leh Mizoram mipuite’n an neih theih nana buatsaih a ni a; he programme hnuaiah hian Mizorama college zawng zawngte sawm niin, district tina khaw hrang hrangah zirlaite zan riaka kalin, an khaw kalnate’n harsatna an tawhte leh mamawhte zirchiangin, chu'ng an harsatnate chu chhâwk zangkhai theih dan leh an hmasawn zel theih dan tur an ngaihtuahsak dawn a ni.

HEI Sustainability Pitch for Progress hi vawiinah chhunzawma zawh tura ruahman a ni a, Aizawl district-a college 12 telin, endiktu (judge) paruk - NITI Aayog programme director Pramit Dash, Planning adviser cum jt. secretary Chingthanmawi Guite, MSPB member David Lalchamreia, Mizoram Startup Mission CEO Rinzuala, NABARD general manager Pankaja Borah leh UNDP North-East Regional Office regional head John Borgoyary-te an ni.