Silaimu, detonator leh caffeine man

Champhai police-te chuan March 23, Pathianni khan Khankawn Police check gate-ah truck MZ-01 K-5785 aṭangin caffeine ni ngeia hriat thil phut var (white powder) bûr (barrel) 40 an man.

Police tarlan danin, caffeine nia hriat an man hi a vaiin kg. 3,000 vel niin, Rs 45,00,000 vel hûa chhût a ni a; K Lalthianghlima (31) s/o Khuanghnuna leh Zonunsangi (30) d/o Vanramngaia (L), Champhai Kanan Veng ve vete ta niin, truck khalhtu chu Emmanuela (22) s/o Lalrinawma, Melbuk a ni. Caffeine-te chu methamphetamine siamna atana hman tur ni ngeia hriat a nih thu an tarlang.

Lunglei police-te pawhin March 22, 2025 khan Lunglei Chanmari-ah silai mu (7.62mm) 7,200, gelatin detonator bâwm 6 leh a hrui (primary cord/cordex) hlûm 12 leh fuse wire hlûm 2 an man.

Ralthuam kaihhnawihah hian F Laltlanmawii (40) w/o HC Zorampianga, Sairep (Lunglei Electric Venga cheng mek), Zonunpari (42) w/o Chanchinmawia, Sairep (Lunglei Electric Venga cheng mek), Zakaria Lalramdinpuia (38) s/o Rohmuna, New Siaha leh, Lalremtluanga (47) te an man a; Arms Act hnuaiah thubuai ziahluh a ni.