Hnathawh ṭha lo siam ṭhattir kan hreh dawn lo - Sapdanga

Minister K Sapdanga chuan March 22, Inrinni zing khan a bial Aizawl North-III chhung Chanmari West-a hmasawnna hnathawh mekte a tlawh a; hnathawh ṭha lo siam ṭhattir an hreh dawn loh thu a sawi.

K Sapdanga chuan, an bial chhunga hnathawhte a hmun ngeia en zel a tum thu a sawi a, "Hnathawh ṭha lo a awm chuan tu thawh pawh ni se, siam ṭhattir zel kan hreh dawn lo," a ti.

Hna thawh tur awmte a ṭha thei ang bera thawh a duh thu sawiin K Sapdanga chuan, "ZPM sorkar hnuaia hna rêng rêng a ṭha tur a ni a, hei hi a taka hman zel a ngai," a ti a; hna thawktute chu ṭha taka thawk turin a chah.

Aizawl North-III Bialtu MLA hi bialtu corporator Zoremsiama'n a ṭawiawm a, hnathawh hrang hrangte a hmunah an endik a ni.