Chhungkaw 7,652-in card sen an nei

Food, Civil Supplies & Consumer Affairs (FCSCA) department hnuaiah ration card sen nei chhungkua 7,652 an awm.

Ration card sen hi ration card var nei zinga dinhmun harsate'n a man tláwma buhfai an khulna atana ruahman a ni a, chhungkaw 7,652-in card sen an nei tawh. Ration card sen neite chuan buhfai kg. khat Rs 20-in an khul thei a ni.

FCSCA department chuan thuchhuah siamin, buhfai kg khat Rs 20-a khul theihna tur ration card sen chu mimal emaw, pawl ang emaw pawhin mahni awmna enkawltu District Civil Supply Officer-ah ziakin dilna thehluh theih a nih thu an tarlang tawh.

Hetih lai hian, tun dinhmunah ration card var nei chhungkua 1,06,589 an awm mek a, card var neite hian buhfai kg. khat Rs 30-in an khul a ni.