MP-in national importance-ah Lianpui puang thuai turin ngen

Rajya Sabha MP K Vanlalvena chuan nimin khan Parliament session-ah Ministry of Culture-in Champhai district-a Lianpui khua chu India rama hmun pawimawh (national importance) atan puang turin February 9, 2025 khan gazetted a tihchhuah tawh thu a sawi a; national importance-ah puang thuai turin sorkar laipui a ngen.

K Vanlalvena chuan, Lianpui khua national importance-a puanna gazetted-ah hian a rem lohna hriate tan thla hnih chhunga dodalna thehluh theih a nih thu tarlan a ni tih a sawi a, "Hun tiam chhunga dodalna thu sorkarin a dawn loh avangin Archaeological Survey of India, Guwahati leh Aizawl chuan sorkar laipuiin national importance atana Lianpui khua a puan hun an nghak reng a ni," a ti.