Treasury Bazara inphote insawn dawn

Treasury Square Bazara thil zuar ṭhinte chu Aizawl Municipal Corporation ruahman angin AMC Multi-Complex, Tuikual South-ah an insawn dawn a, vawiin Inrinni bikah erawh chuan kawngpui kama thil an zawrh phalsak a ni.

AMC hotute tarlan danin, Treasury Bazar Association chuan AMC-in thil zawrhna tura an sak AMC Multi-Complex, Tuikual South-ah an zavaia an insawn luh an an tum a; vawiin March 22 bik erawh chu kawngpui kama inpho phalsak an nih bakah, hmun dang aṭanga Inrinni bazara inpho ṭhinte pawh inpho phalsak an ni.

AMC chuan, Treasury Bazar Association chungah an lawm thu leh Venghlui LC leh Tuikual South LC ten AMC hmalaknaah harsatna siam loa an ṭawiawm avangin an lawm thu an tarlang.

March 22, 2025 hnu lamah chuan kawng kama inpho khap a ni tawh dawn tih tarlangin AMC chuan, "Thil zuar duhte chuan AMC Multi-Complex, Tuikual South-ah insawn a ṭul tawh dawn. Aizawl veng hrang hranga kawng kama inphote pawh a tahtawlin khap a ni dawn. Aizawl mipuite'n khawpui thianghlimna atan leh inrelbawlna a felfai zawk nan AMC hmalakna zâwma thláwp ṭheuh turin kan inngen a ni," an ti.