Ration card aṭanga Phuldungsei mite paih chungchang House-ah sawifiah; 'A thlawna buhfai pek ṭhin a ni' - Minister

Nimina Assembly session-ah speaker Lalbiakzama'n hun a pek angin Hachhek bialtu MLA Robert Romawia Royte-in Zampui Phuldungsei khaw mi 85-te Mizoram ration card aṭanga paih an nih chungchanga a rawtnate a sawi. Phuldungsei mi 85 (chhungkaw 21)-te chu Mizoram sorkarin thla tin a thlâwnin buhfai a pek ṭhin thu Food, Civil Supplies & Consumer Affairs minister B Lalchhanzova'n a sawi.