Court-in bail dilna a hnâwl

Sakawrdai nula pawng­sual tum leh thaha vautua puh Dr JH Vanlalnunmawia, Ramhlun North-in bail a dilna chu nimin khan Court-in a hnâwl. Court-in bail a phalsak lo chu lawmawm an tih thu, MHIP Gen.Hqrs chuan an tarlang.

MHIP Gen.Hqrs chuan, Dr JH Vanlal­nun­­mawia chungchang nimina Court-in a ngaihtuahnaah amah a kal lo a, a aiawhin a ukil a ding tih an tarlang a, "MHIP Gen.Hqrs. chuan thil sual titu hi dan anga hrem a nih ngei theih nan a ṭul angin a bawhzui nghal a, kan bawhzuina angin Court hian a bail dilna a hnâwl tih kan hriatin kan lâwm hle a ni," an ti.