P&E-a thawkte tana sum sên a tam

July thla tir lama Assembly session-a pharh tak, Comptroller and Auditor General of India (CAG) report 2013-14 chuan, Power & Electricity department-in thawktute tana an sum hman ṭhin chu sang lutuk niin a tarlang a; India ram puma hman dan chawhrual (all India average) angah tihniam turin a rawt.

CAG report tarlan danin, kum 2013-14 khan P&E department-ah thawktu mi 4,618 an awm a, Establishment leh Administrative Cost-ah cheng vbc. 72.99 sen a ni. Thawktute tana senso hi department-in sum a hman ral zawng zawng cheng vbc. 300.15 aṭanga chhûtin 24.32% a ni.

India rama P&E lama thawktute tana seno chu chawhrualin sum hman ral zawng zawng aṭanga 11.55% a ni a; hetih lai hian, Mizoram sorkar chuan CAG rawtna anga P&E department kalphung tihdanglam chu a theih loh tih sawiin, "Tun dinhmunah chuan hnathawkte senso hi tihtlem theih a ni lo," a ti.

CAG Report chuan, Mizoram sorkar rawtna chu pawm tlakah an ngai lo a, thawktute tana senso chu national average tala tihhniam ṭul an tih thu an tarlang a ni.