Buhhûm lei dan thlirho

Chief minister Lalduhoma hoin March 5, Nilaini khan CMO-ah Mizoram State Government Paddy & Rice Procurement Committee an ṭhu a; sorkarin OmOm Modern Rice Mill, Pangbalkawn nen ṭang duna Mamit leh Kolasib district-a loneitute thar buhhûm lei khawm chungchang an thlirho.

Ṭhutkhawmah hian Agriculture & Farmers Welfare minister PC Vanlalruata, Supply minister B Lalchhanzova, adviser to CM (Handholding) Dr KC Lalmalsawm-zauva leh member dangte an tel.

OmOm Modern Rice Mill-ah hian Mamit leh Kolasib district-a buh tharte a hûmin kg khat Rs 30 zela lei a ni a; hei hi sorkar laipui leina (minimum support price) aiin a ṭha zawk hle niin sorkar thuchhuahin a tarlang.