Raltlante hnenah hriatpuina pe lo turin VC leh YMA chah

Serchhip district magistrate Paul L Khuma chuan hriattirna chhuahin, Myanmar raltlante hnenah India khua leh tui nih hriatpuina (recommendation) pe lo turin Serchhip district khaw tina VC leh YMA-te chah.

Serchhip Bawrhsap chuan, Myanmar ram buai vanga Mizorama raltlante'n India khua leh tuite chanvo leh India khua leh tui nihna lantirna lehkha pawimawh an neih ve a thiang lo tih a tarlang a, "India khua leh tuite chanvo leh lehkha pawimawh - voter ID, Aadhaar, birth certificate, ration card, etc. te hi VC leh YMA branch-te hriatpuina tel lo chuan pek chhuah a ni ngai lo. Myanmar raltlante hnenah hian khua leh tui nih hriatpuina (recommendation) pe chhuak lo turin Serchhip district-a VC leh YMA branch zawng zawngte ngen leh hriattir an ni," a ti.

Sorkar office hrang hranga lehkha pawimawh pe chhuak ṭhinte pawhin Myanmar mite hnenah pe lo turin a hriattir bawk.