College zirtirtute tan AI zirhona buatsaih

Hrangbana College Internal Quality Assurance Cell & Career Guidance and Campus Placement Cell chuan nimin aṭang khan HBC conference hall-ah ni sarih awh tur 'Faculty Development Program on Artificial Intelligence' an buatsaih a, college hrang hranga zirtirtu 60 an tel.

AI chungchang zirhona hi March 12, 2025 thleng neih tur a ni a; NIELIT, Aizawl aṭangin resource person pathum - scientist - D C Zoremsanga, principal technical officer Lalrempuia Sailo leh senior technical officer Vanlalhruaia ten college zirtirtute chu AI chungchang an zirtir dawn a ni.