KHAWTHLIR

Health care-ah vbc. 38.75 pe tawh

Health & Family Welfare minister Lalrinpuii chuan INC member C Ngunlianchunga leh ZPM member Lt.Col. Clement Lalhmingthanga te zawhna chhangin, Mizoram State Health Care Scheme hnuaiah kumin sorkar kum (2024-25) chhungin damlo bill cheng vbc. 38.75 pek chhuah a nih tawh thu leh, bill la pek loh cheng vbc. 6.91 a la awm thu a sawi.

Kawng khar dawn

Vaivakawn kâwn leh Luangmual Chhangurkawn inkar kawng chu thawm ṭhat a ni dawn a, March 6-9, 2025 chhung zing dar 8 aṭanga tlai dar 5 inkarah khar ṭhin a ni dawn. Kawngpui sirah lirthei leh bungrua dah phal a ni lo.

AR-in heroin man

Assam Rifles chuan March 5, Nilaini khan Zokhawthara Vawkte Kaiah heroin (no. 4) gram 344 an man a, a neitu erawh Myanmar ram lamah a tlanchhiat avangin an man hman lo. Heroin an man hi Zokhawthar Police Station-ah an hlan a ni.

UPC inkhawmpui

United Pentecostal Church (NEI) hnuaia Aizawl East District chuan nizan khan Serchhipah inkhawmpui vawi 31-na an ṭan a, March 9, Pathianni zanah a ṭiak ang. Inkhawmpuiah hian department hrang hrangte'n vawiin hian rorel inkhawm an nei dawn a ni.