Governor-in Indo Pacific GeoIntelligence Forum a hawng

Governor General Dr Vijay Kumar Singh chuan nimin khan New Delhi-a Hotel Vivanta, Dwarka-ah Geospatial World buatsaih 'Indo Pacific GeoIntelligence Forum 2025' leh hemi puala buatsaih exhibition a hawng.

Gen. Dr VK Singh chuan, Indo Pacific region chu khawvela sum leh pai ṭhan chakna hmun mai bakah ram venhimna kawnga hmun pawimawh tak a nih thu a sawi a, "Geospatial technology leh GeoIntelligence-te hi hemi ram huamchhunga awmte tana hmanraw ṭangkai tak a ni a, geospatial data-te rûk chhuah a nih loh nana venhim a ṭul. Indo Pacific region chu khawvel pum ang pawha insumdawntawnna hmun pawimawh tak, khawvel mipui zatve aia tam mah chenna leh ram leilung hausa tak a ni," a ti.

Indo Pacific GeoIntelligence Forum hi venhimna (defence) lam kaihhnawih thiamna chi hrang hrang zir tura intawhkhawmna niin, chenna hmun a zirte, sik leh sa inthlak avangte emawa buaina awm thei leh changkanna avanga danglamna thlengte zirho ṭhin a ni.

Kumin thupui atan 'NextGen Sovereign GeoIntelligence Assets for Regional Security' tih hman niin, vawiinah chhunzawma zawh a ni ang.