Gas man bithliah thar

Food, Civil Supplies & Consumer Affairs (FCSCA) department chuan Indian Oil Corporation-in eirawngbawlna gas (LPG) man a tihchhuah thar zûlzuiin gas man thar a bitliah thar a, March 1, 2025 aṭangin hman nghal niin, mipui gas lak ṭhin pangngai (domestic cylinder - kg 14.2) chu a man tihdanglam a ni lo.

FCSCA department tarlan danin, Vairengte tih loh hmun dang zawngah domestic cylinder (kg. 14.2) man Rs 955, commercial cylinder (kg. 19) man Rs 2,257.50, XtraTej (kg. 19) man Rs 2,280 leh composite (kg. 10) man Rs 688 a ni a; Vairengteah chuan domestic cylinder Rs 946, commercial cylinder Rs 2,241.50, XtraTeJ Rs 2,264 leh composite Rs 679 a ni.