IMD Centre dinna atan MoU ziak

Mizoram sorkara Directorate of Science & Technology leh sorkar laipuia India Meteorological Department chuan February 24, Thawhṭanni khan chief minister Lalduhoma pisaah thawh dunna thuthlung, memorundum of understanding (MoU) an ziak.

MoU-ah hian Directorate of Science & Technology aiawhin chief scientific officer H Lalsawmliana leh IMD aiawhin director Sudheer Kumar Dwivedi ten hming an ziak.

Thuthlung hi Directorate of Science & Technology hmunhmaa IMD centre dinna tur a ni a; inremna angin IMD-in Berawtlanga Science & Technology Centre-ah IMD Centre an din dawn a ni.

IMD hian Mizoram sorkar hnenah meteorological data a pe ṭhin dawn a, weather forecast leh report dik leh rintlak zawk neih nan hman a ni ang.

MoU ziahnaah hian CM secretary Vanlaldina Fanai bakah, video conference kaltlangin IMD director general Dr Mrutyunjaya Mohapatra leh mi pawimawh dangte an tel a ni.