MPLAN zirhona buatsaih a ni

Planning & Programme Implemen-tation department chuan nimin khan an conference hall-ah Mizorama hmasawnna hna thawh tur projects/schemes hrang hrang thehluhna tura duan, 'Mizo Plan Analytics, Software (MPLAN)' zirhona an buatsaih a; Planning secretary Lalmalsawma Pachuau-in a hmanpui.

MPLAN zirhona hi Mizoram sorkar hnuaia department hrang hrang nodal officer-te tana buatsaih a ni a,financial year thar (April 2025 - March 2026) aṭangin hman ṭan tawh tur a ni.

Department-te chuan project/scheme thar an neihte chu he software/portal-ah hian an upload zel tawh dawn a, monitoring pawh hemi kaltlang tho hian tih vek tawh tur niin, software in a ken tel dashboard hmangin Chief Minister leh minister dangte'n ramchhunga hmasawna hnathawh hrang hrangte chu an endik thei tawh dawn a ni.

MPLAN software hi NITI Aayog hnuaia sum hmuh aṭanga duan a ni.