SEC-in buaina thlen thu dawng lo

State election commissioner Dr H Lalthlangliana chuan, village council leh local council inthlanpui tluang takin neih a ni a, buaina leh harsatna a thlen thu an dawng lo tih a sawi.

Vanglaini palai zawhna chhangin Dr H Lalthlangliana chuan, "Inthlan tluang tak leh muanawm takin kan nei a, buaina thleng tenau deuh pawh report kan dawng miah lo. Kan beisei ai daihin a muanawm a, a lawmawm tak zet a ni," a ti.

State Election Commissioner chuan, inthlan tluang tak leh muanawm taka neih a nih theih chhan chu inthlan buaipuitu official zawng zawng te, Mizoram People Forum te, political party-te leh candidate zawng zawngte vang a nih thu sawiin, an chungah an lawm tak zet thu a sawi a ni.