NH kawng laih mek enfiah

Sorkar laipui project leh programme-te tluang taka kalpui a nih leh nih loh vil tura din Empowered Committee-a an chairman H Lalengmawia, Home secretary ni bawk chuan January 31, 2024 khan Keifang khaw chhunga National Highway-06 kawng laih mek chungchanga harsatna awmte a enfiah a; Saitual DC, Revenue department leh NHIDCL aiawhte'n an ṭawiawm.

National Highway-06 (Seling-Dulte) kawng laih mek enfiahnaah sorkar hotute chuan, kawng laih chhunzawm dan tur ruahmanna hrang hrang a hmunah an sawiho nghal a, ram neitute chu an bungruate sengfel tur leh an inte ṭhiat tura hriattir an ni.

Zangnadawmna sem tur chungchanga lungawi lote chu arbitrator leh court-ahte an harsatna thlen tura tih an ni a; kawng laih tur hi ram hmasawnna atana thil pawimawh tak a nih avangin kawng laitute tan harsatna siam lo turin mipuite hriattir an ni bawk.