END leh AR-in meth leh hroin man

Excise & Narcotics department (END) enforcement leh Assam Rifles sipaite ṭangho chuan tun hnai khan Mizoramah heroin leh methamphetamine eng emaw zat an man.

END leh AR-te hian January 31, 2025 tlai dar 5 khan Thingkah, Lawngtlai district-ah heroin gram 116.810 (hawng 11) leh a neitua puh - K Thangzami (43) d/o K Sangkhuma, Electric Veng, Aizawl nia inchhal an man.

Zan dar 7-ah Hnahlan leh Ṭiau lui inkar kawng, Champhai district-ah methamphetamine mum 30,300 (kg. 3.333) leh a neitua - Lalrozuala (36) s/o Lalchhuanga, Hmunhmelṭha, Thangkhanmunga (34) s/o Khaidothanga (L) leh Manghlawhluni (35) d/o Hauzadala (L), Darkhai, Myanmar-a ve ve nia inchhalte an man bawk.

January 30, 2025 pawh khan tlai dar 5:15-ah Champhai district-a Zote leh Bulfek inkar kawngah heroin gram 112 (hawng 10) an man a, a neitua puh Joseph Lalmuansanga (25) s/o Hrangzamlova, Champhai Zotlang nia insawi an man nghal.

Ruihhlo man chungchangah hian The Narcotic Drugs & Psychotropic Substances Act, 1985 tlawhchhanin thubuai ziah luh a ni a, ruihhlo neitute chu court-ah hruai an ni.