Lengpui Airport-ah silaimû man

Lengpui Airport vengtu (security)-te chuan January 31, 2025 (Zirtawpni) khan hmeichhe pakhat hnen aṭangin silaimû (7.62) an man.

Vanglaini thu dawn danin, Lengpui Airport security-te chuan an thu dawn bawhzuiin Nemneinou (27) s/o Thunung Thanchinmang, Tuibuang, Churachandpur district, Manipur bag an endik a, silaimu an hmu chhuak a, Sairang Police Station-ah FIR an thehlut nghal. Police-te chuan Nemneinou chu manin, Arms Act hnuaiah thubuai an ziak lut a ni.

Lengpui Airport security-te hian India Airlines security in-charge hnen aṭangin Indigo flight no. 6E-5364 Aizawl - Delhi passenger Nemneinou ip (baggage)-ah silaimu nia hriat an hmuh thu an dawng a, an bawhzui nghal a ni.