Party thila inhnamhnawih lo turin chah

Lunglei district election officer Navneet Mann, bawrhsap chuan VC/LC inthlanpui vuakveta Lunglei district-a sorkar hnathawkte zawm tur hriattirna a tichhuak a; sorkar hnathawkte chu duhsak bik leh ṭan bik nei lo tur leh political party thila inhnamhnawih lo tura hriattir an ni.

Lunglei DEO chuan, sorkar hnathawkin inthlan puala thu zawm tur (code of conduct) a bawhchhiat chuan hremna hmachhawn turin amah leh amah a inbât buai tihna a nih thu a tarlang a, "Central Civil Services (Classification, Control and Appeal) Rules, 1985 angin a chungah hremna lekkawh a ni ang," a ti a, hriattirna chu zâwm turin sorkar hnathawkte a chah.

Hriattirna zâwm lote chu Central Civil Services (Classification, Control and Appeal) Rules, 1985 hmanga hrem theih an nih thu tarlan a ni.