KHAWTHLIR

Orientation buatsaih

Mizoram Synod chuan January 28-31, 2025 chhung khan Synod Conference Centre-ah Pro. Pastor Orientation programme an buatsaih. Orientation programme-ah hian pro. pastor 16 an tel a, January 28, 2025 zan khan Synod moderator Rev. RC Lalnghakliana'n a hawng a, January 31 zan khan khâr a ni.

Kuhva rah man

Assam Rifles chuan Februay 1, Inrinni khan Champhai Zotlangah ram dang aṭanga dan loa lak luh kuhva rah ip 32 an man a, cheng nuai 17.92 hûa chhût a ni. Kuhva rah leh a neitu hi Champhaia Customs Preventive Force hnenah an hlan a ni.

Treasury pisa tlawh

Central Treasury Rules Vol-I, Rule no. 70-in a phût angin Saitual bawrhsap Dr Lalngura Tlau chuan January 31, 2024 khan Saitual Treasury office a tlawh a, hna an thawh dan a enfiah. Saitual Treasury kaltlang hian DDO 25-in IFMIS hmangin thlabi hlawh an la chhuak ṭhin mek a; daily ceiling (thlabi hlawh tiam lohin) chu ni khatah cheng nuai 30 a ni.

EFCI presbytery

Evengelical Free Church of India (EFCI) chuan January 31 aṭanga nizan thleng khan EFCI presbytery 17-ah presbytery inkhawmpui an hmang a, mission field-ahte mission field conference an hmang bawk. EFCI hian February thla Pathianni hmasa ber hmangin presbytery inkhawmpui leh mission field conference an hmang ṭhin a, kumina thupui chu 'Pathian kan inhumhimna' tih a ni. Mizoramah EFCI kohhranin presbytery panga an nei a ni.

Friendly volleyball

Assam Rifles chuan February 1, Inrinni khan Siaha district-a Laki khuaah friendly volleyball match an buatsaih a, AR sipaite leh tualchhung ṭhalaite'n volleyball an khelho. Friendly match hi ramri vengtu AR sipaite leh tualchhung mite inkarah inṭhian ṭhatna a awm theihna tura buatsaih a ni.