Pawl 4-in thisen unit 185 pe

February 1, Inrinni khan Mizoramah pawl paliin thisen unit 185 an pe. KṬP, Bethlehem Branch chuan ZMCH tan unit 69 an pe a, petute mipa 65 leh hmeichhia pali an ni a; KṬP, Luangmual Pastor Bial, Aizawl chuan Synod Hospital tan unit 50 an pe a, petute mipa 47 leh hmeichhia pathum an ni.

YMA, Champhai Bethel Branch-in an branch din champha vawi 42-na pualin Bethel Presbyterian Kohhran Hall-ah Champhai District Hospital tan unit 45 an pe a, petute mipa 42 leh hmeichhia pathum an ni. ṬKP, Ṭawipui Pastor Bial member mipa 18 leh hmeichhia pathumte'n Lawngtlai District Hospital tan unit 21 an pe bawk.