AR-in essay inziahsiak, frist-aid hman dan leh tour an buatsaih

Assam Rifles chuan January 18, Inrinni khan Republic Day, 2025 lo thleng tur pualin Assam Rifles Middle School, Aizawlah essay inziahsiak an buatsaih. Essay Writing Competition-ah hian thupui atan ram leh hnam hmangaihna chungchang hman a ni a, zirlai ṭhahnem tak an tel.

January 18 vek khan Assam Rifles chuan Tipa (Tuipang), Siaha district-ah naupangte pualin first-aid hman dan zirna an buatsaih a, zirlai 30 an tel. He hunah hian first-aid chungchang leh a pawimawhna te, a hman dante an inzirtir a ni.

Assam Rifles chuan AR Middle School, Aizawla zirlaite tan National Integration Tour an buatsaih mek bawk a, January 17, 2025 khan AR 23 Sector commander/DIG Brig. Girish Upadhya-a'n 2nd AR hmun aṭangin a vailiam.

National Integration Tour-ah hian AR Middle School zirlaite an tel a, Guwahati leh a chhehvel leh, Meghalaya state chhunga khualzinte tlawh ṭhin hmun hrang hrang an fang dawn a ni.