Shillong bula lirthei chesualah Mizo hmeichhe pahnih an thi

Nimin zing dar 6 vel khan Guwahati-Aizawl inkara tlan ṭhin maxicab AS-01 KC-9188 chu Guwahati lam aṭanga Shillong thlen hma Umkiang-ah a chesual a, mi pathum thiin, an zinga pahnih chu Mizo an ni.

Maxicab-ah hian mi pali an chuang a, kawng thlangah an tlan liam a ni. Chetsualna hmunah Zothanpari (52), Delhi-a an chhungkua cheng mek leh lirthei khalhtu N Chauhdhury, Silchar, Assam-te an thi a; Jenny Lalrinthangi (23), Thinghlun, Mamit district chu damdawi-in panpui a nih hnuah a hliam tuar loin a thi ve leh bawk. Hnam dang pakhat a hliam a, NEIGRIMS-ah lak a ni.

Chetsual thu hriat a nih veleh Shillong Mizoram House-a deputy resident commissioner Lalchhanhima leh Shillong Group YMA hruaitute'n thil ṭul ang ang an buaipui. Jenny Lalrinthangi hi postmortem zawhah Mizoram panpui a ni ang a, Zothanpari ruang chu Delhi lamah lak a ni ang.