Mizorama WCD hmalak dan tarlang

Ministry of Women & Child Development-in January 11-12, 2025 chhunga Udaipur, Rajasthan-a 'Brainstorming Session - Chintan Shivir' a buatsaihah Mizoram aṭangin Women & Child Development minister Lalrinpuii leh department hotu dangte an tel a; Mizorama hmalak dante an sawi.

Brainstorming session-ah hian minister Lalrinpuii chuan thu sawiin, Mizoram Women & Child Development department hmalakna hrang hrang - Project Thisen Hlu leh Nutri Garden chungchang te, tun hnuaia Mizoram sorkar hmalaknaa Widow Cell hawn thar chhungchangte a tarlang.

Sawihonaah hian Women & Child Development department hnuaia scheme hrang hranga hmalaknate inzirtir tharna hun hman a nih bakah chak zawka hmalak theih dan turte sawiho a ni a; best practices (schemes hrang hranga ti ṭha zualte) tarlannaah Mizoramin Anganwadi cum Creche a kalpui dante tarlan a ni.

Sorkar thuchhuah tarlan danin, Mizo mipuite'n tlawmngaia anganwadi building an sak ṭhin dan te, nuhoin vehbûr khawna anganwadi centre tihchangtlun nan mamawh hrang hrang an thawh khawm ṭhìnte chuan fak a hlawh hle. PALNA scheme-a department hmalakna pawh central lam hotute'n an fak hle a; hmeichhiate zingah two-wheeler taxi driver awm thei khawpa women empowerment kal ṭhatpui thute pawh tarlan a ni.

Brainstorming Session - Chintan Shivir hi sorkar laipuia Women & Child Development minister Annapurna Devi-a'n a hmanpui a ni.