MYC leh HCL thuthlung bawhzui

Mizoram Youth Commission (MYC) leh HCL Technologies-te'n thawhhona thuthlung an lo ziah tawh bawhzuina kal zelah nimin khan MYC office-ah LESDE, School Education leh Higher & Technical Education department hotute an ṭhukhawm.

Ṭhutkhawmah hian HCL Tech hmalakna Mizo ṭhalaite tan programme ṭha tak a nih ngei an beisei thu an sawi a; MYC leh a kaihhnawih department-ten theihtawp chhuaha hmalak ni se, an ti.

HCL Tech hi technology company, ram hrang hranga inzar pharh a ni a; pawl 12 zo tawhte tan training hrang hrang an buatsaih ṭhin a, training chhungin stipend an pe ṭhin. Training zote tan HCL-ah hna pek nghal a ni ṭhin a, online-in graduation course an zirtir ṭhin bawk.