Khawmawi aṭangin Zokhawthara lehlánga lehkha zir naupang 500 vel an awm

Myanmar ram chhunga Khawmawi aṭangin Mizoram (India ram) chhung Zokhawthara lehkha zir tura lehlánga sikul kal ṭhin naupang 500 vel an awm.

Thu dawn danin, Khawmawi aṭanga Zokhawthara sikul kai ṭhin zirlaite chu primary school, middle school, high school leh higher secondary school zirlaite an ni. Tunah hian sikul chawlh a ni mek a, Free Movement Regime tihdanglam a nih avangin sikul luh leh hunah zirlaite dinhmun tur a chiang rih lo. 

FMR kalphung tharah ramri aṭanga km. 10 huam chhunga mi, mahni nihna tichiang thei (document) neite hnenah border pass pek theih a ni a, mahse, hei hian naupang (kum 18 la tling lo)-te a huam lo thung.