Airfield YMA-in an khuaa thil thleng sawifiah

YMA, Airfield Branch chuan nimin khan thuchhuah siamin, December 18, 2024 zana an khuaa thil thleng chungchang an tarlang a; khawtlanga thil sual leh ruihhlo donaah tawhsual tawh palh chang a awm ṭhin tih hretu Mizoram mipui leh YMA member-te hriatthiamna an dil.

Airfield Branch YMA chuan, thil thleng vanga mawhphurtu ni lo leh dem tur ni lote thlenga social media lama sawiselna leh diriamna tam tak hmuh tur a awmchu pawi an tih thu an tarlang a, "Sual leh ruihhlo khawtlangin a dona kawngah tawhsual tawh palh chang a awm ṭhin tih hretu Mizoram mipui leh YMA member-te hriatthiamna kan dil a. Mizoram puma khawtlang tana hlawh leh phût lêt nei hauh loa a thim a var thlu loa thâ leh zung thawhtute zawng zawng thâ thlah loa kal zel kan duhin, Airfield YMA chuan khawtlang venhim kawnga min thawhpui duhtute eng lai pawhin kan thawhpui zel ang," an ti.