Prakash M Nadar in Synod Hospital-ah thisen a pe

Prakash M Nadar (50), Mumbai chu Mizorama thisen pe turin a rawn kal a, nimin khan Synod Hospital blood bank-ah thisen a pe.

Prakash Nadar hi taksaa rualbanlo, wheelchair hmang a ni a, India rama state leh union territory tinah thisen pek tumin, nimina Aizawla thisen a pek nen hian state 25 leh UT pangaah thisen vawi 126 a pe tawh.

Prakash Nadar chuan, mite nunna chhan nan thisen pe turin mi tin a sáwm a, "Kei pawhin ka theih chuan i theih lohna tur a awm lo. Ka tum ber chu, thisen dawn tur neih loh vangin mi tu mah an thi tur a ni lo, tih a ni a, kan ṭanrual chuan thisen dawn tur neih loh vanga thihna thleng ṭhin kan tibo thei dawn a ni," a ti a; Aizawla thisen a peknaa buaipuitu Association for Voluntary Blood Donation, Mizoram leh Synod Hospital Blood Bank hotute chungah a lawm thu a sawi bawk.