Bethlehem Veng JAC-in halpuah haltu mi 3 thuneitute hnenah an thlen

3rd January, 2025

Bethlehem Veng JAC chuan an venga hâlpuah hâltu mi pathum chu sorkara thuneitute hnenah an thlen a; YMA leh kohhran duh loh thil tisualtute report zel turin an inchah nghal.

Bethlehem JAC thuchhuak chuan, "Bethlehem Vengin kum tam tak kan kalpui tawh halpuah leh halmawi hâl lo tura kan inngenna chu veng mipuite'n an zawm ṭhat viau laiin Dt 31.12.2024 kum hlui thlah zan khan heng mite hian an hâl a, thuneitute hnenah report a ni," an ti.

Halpuah/halmawi hâltu sorkara thuneitute hnena an thlente chu: Lalruatchhungi (23) d/o Lalrinkimi (L), Lalduhsaki Khiangte (24) d/o K Lalhriatzuala leh Jenny Lalnunsiami (31), Jenny Cosmetic House te an ni.