Multi-utility Centre lungphùm phúm

Deputy chief minister Tawnluia chuan nimin khan Ramhlun South High School-ah Multi-utility Centre sakna tur lungphùm a phúm.

Tawnluia chuan, Mizoram chhunga khawpui 23 enkawl leh cheibâwl hna thawktu UDPA department chu department ṭhang duang tak a nih thu a sawi a, "Central sorkar aṭanga sum lo kal leh Mizoram sorkar sum hmangin kawng hrang hrangin khawpui tihhmasawn nan hmalak a ni. Covid-19 léng vangin sorkarin harsatna a tâwk a, duh anga chakin hmalak theih a ni rih lo," a ti a; sorkar ṭawiawm zel turin mipui a sáwm.

Multi-utility Centre hi kum hnih chhunga sak zawh tur a ni a, a sakna atan Rs. 3,29,31,900 ruahman a ni. Chhâwng rûk tur niin, lirthei ke pali nei 32 leh ke hnih nei 56 dah/hûn theihna tura siam a ni ang.

Lungphûm in­khawm­ah hian MLA C Lal­muanpuia, AMC bialtu councillor Laltlanzova Khiangte, UDPA secretary Dr C Vanlalramsanga, UDPA official-te leh khawtlang hruaitute an tel.