Kuminah hâlpuah kaihhnawihah thubuai paruk ziah luh a ni tawh

Home minister K Sapdanga hoin nimin khan a pisaah sorkar hotute'n Krismas leh kum thar lo thleng tura hâlpuah leh hâlmawi khapna bawhzui dan an thlir lêt. Halpuah leh halmawi ṭum sarih man a ni tawh a, thubuai paruk ziah luh a nih tawh thu an tarlang.

Ṭhutkhawmah hian Home Secretary, Deputy Inspector General of Police, Aizawl DC leh Aizawl SP-te an tel a; tun hnaiah halpuah leh halmawi ṭum sarih man a nih tawh thu te, hemi kaihhnawihah hian thubuai paruk ziah luh a nih thu leh, halpuah/halmawi man tawh zawng zawng chu Rs 20,00,000 chuang hû a nih thute an sawi.

Home Minister chuan, halpuah leh halmawi tel loa Krismas leh kum thar hlim taka hmana lawm a nih theih nan mipui ṭawiawmna an dawn ngei a rin thu a sawi a; sorkar thuchhuah ngai pawimawh a, halpuah leh halmawi hâl lo turin mipui a sáwm a ni.