KHAWTHLIR

Kolasib DC Dr H Lalthangliana chuan nimin khan thuchhuah siamin, Kolasib district-ah dam lohna leh natna vanga harsatna nei, Kolasib DC-in phalna a pekte tih loh chu home quarantine phal a nih loh thu a puang. Home quarantine leh self monitoring isolation chu ngaih pawlh loh tur a nih thu leh self-monitoring isolation chu Covid-19 laka fihlim (test negative) tawh tan chauh a nih thu a tarlang.

Nimin khan Mizoram University (MZU) Education department seminar hall-ah under graduate leh professional course exam dan tur inhrilhfiahna hun hman a ni a, MZU controller of examinations Prof. Lalnuntluanga’n hmanpuiin, Mizorama college tin aiawh an tel. Covid-19 léng vangin kuminah kalphung pangngai angin exam buatsaih theih a ni lo a, online hmangin exam hi buatsaih tum a ni. 

Lok Sabha MP C Lalro­sanga chuan nimin khan Social & Rehabilitation Board Vice Chairman pisaah Hrawva hla mithiam hrang hrangte zirchianna bu, 'Khuanu leng chawi Hrawva' tih a tlangzarh. Health minister Dr R Lalthangliana pawhin Ningani khan Lallunghnema Charity Lodge ziah  'Thingsai Lunghlute' tih lehkhabu a tlangzarh.

Aizawl DC R Lalramnghaka, District Task Force on Covid-19 chairman ni bawk chuan thuchhuah siamin, Aizawl district chhungah home quarantine-na tur hmunhma nei ṭhate chu khap lo turin khua leh veng tina task force-te a hriattir. Home quarantine hmun turte chu sorkarin format a pek sa angin hriatpuina local task force-te'n an pe tur a ni thung.