Ni tin mamawh háwp khawp thar hi Kan tum bulpui a ni - Agri. Minister

Agriculture minister C Lalrinsanga chuan, Mizoram chhunga thlai thar chhuahte hlâwk zawka kalpui turin sorkarin Vegetables & Fruits Market Chain a duan thu leh, Mizoramah ni tin mamawh hâwp khawp thar chu an tum bulpui a nih thu a sawi.

Minister C Lalrinsanga hian MJA Gen.Hqrs. hruaitu tharte nimina a pisaa a kawmnaah a department enkawl hmachhawp leh hmalak mekte a sawifiah a, "Kan tapchhak záwla kan ni tin mamawh hâwp khawp tal thar chhuah hi kan tum bulpui ber a ni," a ti.

Agriculture Minister chuan, thlai lâk leh hralh chungchangah farming society siam a ni dawn tih sawiin, "Sorkar laipui aṭangin Vandhan Vikas Kendra thar 115 thingtlang khaw hrang hranga dinna turin TRIFAD Ltd. aṭangin cheng nuai 17.25 sanction a ni," a ti a; tualchhunga thlai tharte tláwm zawka hralh theihna turin ruahmanna an siampui tur thu a sawi.

Hâwp khawp tal thar chhuah an tum tih sawiin C Lalrinsanga chuan, "Kan rama buh chìn theihna hmunte chiang leh zuala chhinchhiahna kalpui a ni. Land Leasing Act kan nei dawn a, kut hnathawktute an taima a, kan thar chhuahte a hralhna a ṭhat phawt chuan an inthawk hlum lo chauh ang. Chutiang chuan kal kan tum a ni," a ti.

Thlai lâk leh hralh chungchangah farming society siam a ni dawn tih sawiin Minister chuan, "Sorkar laipui aṭangin Vandhan Vikas Kendra thar 115 thingtlang khaw hrang hranga dinna turin TRIFAD Ltd. aṭangin cheng nuai 17.25 sanction a ni," a ti a; tualchhunga thlai tharte tláwm zawka hralh theihna turin ruahmanna an siampui tur thu te, khârchhâwngte'n to lutuka an zuar chu ṭha an tih loh thu leh chumi ven nan chuan Vegetables & Fruit Market Chain an kalpui dawn thu a sawi.

Agriculture Minister chuan, thlai dahṭhatna kháwl awlsam zawk ruahman mek a nih thu te, cooperative movement chak zawka kalpuiin economy nghet zawka awmna tur chu an tum bulpui ber a nih thute a sawi bawk. MJA president Zonunsanga Khiangte chuan, agriculture chu ram intodelhna hnuk pawimawh ber a nih avangin, sorkar hmalakna leh harsatna an neihte a hmuna kal chilha mipui mamawh leh an harsatnate hriatpuia zirtirna kawngah MJA anga tih theih an neih chuan an inhawn reng thu a sawi a ni.