LADC MDC inthlanpui neih a ni

Nimin khan Lai Autonomous District Council (LADC) chhungah member of district council (MDC) inthlanpui buatsaih a ni. Zing dar 7-ah vote thlak hun hawn niin, tlai dar 4 thleng vote thlâk theih a ni.

Vanglaini thu dawn danin, inthlanah hian harsatna leh buaina lian tham a awm lo. Lawngtlai khawpui bikah chuan, Covid-19 hripui léng avangin vote thlak dan tur village task force-te'n an ruahman a, veng ṭhenkhatah serial number indawt dana an thlak hun bituk a nih laiin, ṭhenkhatah chuan veng thlêr angin vote thlak hun siam a ni thung.

Inthlanah hian vote thlak ṭhat ngai a awm chuan vawiin zing dar 7 aṭanga tlai dar 4 thleng thlak ṭhat tur a ni a, vote tlate chu December 8, 2020 zing dar 10-ah chhiar ṭan a ni ang. Tarlan tawh angin, LADC-ah hian MDC seat 25 a awm a, MNF-in seat 25, BJP-in seat 17 leh INC-in seat 14 an chuh. Independent candidate 18 an awm a, chu'ng zinga pathum chu INC thláwptu an ni.