Ni 50 hnuah ZMC laboratory-ah Covid-19 vei hmuh thar awm lo

December 3, Ningania ZMC Covid-19 laboratory-a mi 349-te swab sample endik zingah hripui vei an awm lo. Hei hi ni 50 hnua swab test an neiha Covid-19 positive hmuh chhuah thar a awm loh lehna hmasa ber a ni.

October 13, 2020 khan ZMC laboratory-a swab sample 291 endik zingah Covid-19 positive an awm lo a, chumi hnuah erawh chuan ZMC-ah hian swab test an neih ní apiangin positive hmuh chhuah a ni ta ziaha hriat a ni. Pathiannia test tih loh ṭum erawh a awm thung.

Thu dawn danin, ZMC-a Covid-19 vei hmuh chhuah loh ní hnuhnung ber October 13 hnuah, October 14 leh December 2 inkar, ni 93 chhung chu ni tin Covid-19 vei hmuh chhuah a ni a; a ni 51-na, December 3-ah erawh chuan sample 349 endik ni mah se, hripui vei hmuh chhuah an awm lo.

ZMC laboratory-ah hian April 7, 2020-ah swab sample endik ṭan a ni a, December 3 thleng khan sample 81,803 endik a ni tawh a, endik aṭangin Covid-19 positive mi 2,471 hmuh chhuah a ni a, positive hmuh chhuah rate chu 3.02% a ni.