CHRISTMAS CAROL

Governor Dr Hari Babu Kambhampati chuan December 14, Inrinni zan khan Raj Bhavan-ah Christmas Carol an buatsaih a, Mizoram Presbyterian Kohhran hnuaia Aizawl West-I Area Masihi Sangati Choir-te nen hun an hmang. Larsap chuan, Krismas leh kum thar hun hlimawm tak hmang turin Mizoram mipui duhsakna hlanin, hunpui thleng tur chuan remna leh muanna bakah, inpumkhatna thlen se a duh thu a sawi. Masihi Sangati Choir member-te hnenah hian Governor leh a nupui Jayasree Kambhampati ten Krismas thilpek an hlan a ni.