Hnahthialah lirthei 50 man

Hnahthiala December 9-13, 2024 chhunga No Tolerance Week kalpui chu nimin khan Hnahthial Bazar Vengah khâr a ni a; Week chhungin lirthei 1,019 endik a ni a, lirthei dan bawhchhia 50 man niin, pawisa chawi tling khawm chu Rs 55,400 a ni.

Tarlan danin, Hnahthiala No Tolerance Week hman chhung hian lirthei - HMV 17, LMV 452 leh two/three wheeler 550 endik a ni a; dan bawhchhia zingah MV Act Section 177 (traffic rules) bawhchhia an tam ber. Week kharna inkhawm hi Hnahthial additional DC Zothanmawia Khiangte-in a hmanpui a ni.