Lungleia MLA 4-in home panga ṭanpui

Lungleia MLA pali - Lunglei East bialtu Lalrinpuii, Lunglei North bialtu V Malsawmtluanga, Lunglei West bialtu T Lalhlimpuia leh Lunglei South bialtu Lalramliana Papuia te chuan December 12, Ningani khan Lungleia home panga hnenah pawisa an thawh khawm aṭangin ṭanpuina an hlan.

Lungleia MLA-te hian ṭanpuina atan Rs 2,70,000 an thawh khawm a; Krismas thilpek atan TNT hnenah Rs 1,00,000, Bethel Centre hnenah Rs 50,000, WADA, Chhawmdawlna In leh Rescue Centre hnenah Rs 40,000 ṭheuh an hlan a ni.

Home hrang hrangah hian enkawl lai - TNT-ah mi 500 chuang, WADA-ah mi 14, Bethel Centre-ah naupang 71, Chhawmdawlna Inah mi 82 leh Rescue Centre-ah ruihhlo ngai mi eng emaw zat an awm a ni.