VC-te petition HC-in ngaihtuah; 2025-ah a ngaihtuah ṭha dawn

All Mizoram Village Council Association (AMVCA)-in VC term pawh tawi a nih avanga Mizoram sorkar an khin nawnna chu Gauhati High Court Aizawl Bench chuan nimin khan a ngaihtuah a, kum thara Court hawn leh huna ngaihtuah leh turin a dah.

Vanglaini thu dawn danin, Gauhati High Court, Aizawl Bench chuan VC term kal mekte chu an term a la tawp loh avang leh an office an la luah theih tho avangin an term pawh tawi a nih avanga sorkar an khinna chungchanga thutlukna siam chu hman­hmawhthlakah a ngai lo a; kum thara court hawn leh huna ngaihtuah turin a dah a ni. High Court hi January 13, 2025-ah hawn ṭan leh a ni ang.

AMVCA hian November 20, 2024-a an term pawh tawina order chu High Court-ah an khing a, December 12, Ninganiah sorkar ukilin November 21, 2024-a an term pawh tawina Court-a a thehluh avangin an inhnukdawk lehnghal. Ningani vek khan November 21 order khinna an thehlut leh nghal a ni.