Minister-in Camping Centre a tlawh

Excise & Narcotics minister Lalnghinglova Hmar chuan nimin khan Hnahthial district-a ruihhlo ngaite enkawlna hmun Jehova Jire Camping Centre a tlawh a, Excise & Narcotics department hmingin Rs 10,000 a hlan.

Lalnghinglova Hmar chuan, Hnahthial district an kal chhan pakhat chu ruihhlo do a nih thu sawiin, "Ruihhlo do hi kan bànsan thiang lo a, peih lohsan mai loa beih fan fan a ṭul. Camping centre a awmte LESDE department hnuaiah skill training neihpui an nih theih dan kawng kan zawng ang," a ti.

Excise Minister hi Hnahthial bialtu MLA Jeje Lalpekhlua leh Excise & Narcotics joint commissioner Peter Zohmingthanga ten an ṭawiawm a; Minister hnenah hian Hnahthial District Football Association chuan duhsakna thilpek an hlan a ni.